Día Mundial de Concienciación sobre o Autismo

 Bo día familias,

Co gallo do día de concienciación sobre o Autismo que foi o día 2 de abril, dende a aula específica propuxeronnos unha actividade na que unimos as pezas do puzzle "NESTE COLE ENCAIXAMOS TODOS E TODAS" que quedará colocado na parede da aula. 

Ao longo da semana teremos actividades na aula específica para que todo o alumnado do centro coñeza o espazo e saiba qué actividades se levan a cabo nela.

23 de febreiro de 2024

 DÍA DE ROSALÍA

Rosalía de Castro é unha figura fundamental para a lingua e a cultura galega. E esta é  unha data especial, na que a sociedade galega se contempla a si mesma para entenderse e recoñecerse e para festexar a propia  identidade. Os versos e as palabras de Rosalía son esixentes e requiren da nosa lectura profunda, da nosa escoita e da nosa mirada atenta. A súa obra, a súa vida, o seu padecemento, o seu ollar, o seu sentir, son a alma enteira da nosa Terra. Os versos rosalianos semellan andoriñas viaxeiras de eterno retorno, son verdadeiros cantos de esperanza. Son moitos os poemas nos que Rosalía manifesta un fondo compromiso con Galicia,  cos galegos e as galegas, coa lingua, coa cultura e tamén co medio ambiente. 

Rosalía de Castro é unha muller que marcou historia  en Galicia e  no mundo  enteiro,  unha  das escritoras   máis  importantes. A súa expresividade e a súa forma de contar o día a día coa súa poesía, converteuna nun símbolo da Nosa Terra. Por iso é a galega máis querida e máis importante da nosa historia.

Para festexar esta día, o alumnado de Educación Infantil e Educación Primaria do CEIP Xoaquín Loriga preparou  unha curta sobre a vida e recitado de poemas desta grande escritora, tomados do libro "Rosalía" de Helena Villar Janeiro.

Tamén queremos agradecer ao alumnado de primeiro curso do CEIP Nosa Señora de Xuvencos, en Boborás, por compartir con nós a súa Rosalía. Que alegría comprobar que Rosalía de Castro é tan querida por todos os nenos e nenas de Galicia.  Moitas, moitas grazas!!!

Seguro que xa sabes moitas cousas da nosa homenaxeada así que anímate con este  "Genially" e descubre á Rosalía que os nenos e nanas deste colexio che queren mostrar. 

Seguindo o exemplo de Rosalía, é fácil comprender que a indiferenza a todo o que acontece ao noso redor non é a mellor resposta. A natureza merece ser oída e  todos nós debemos escoitar as súas chamadas de auxilio. No CEIP Xoaquín Loriga asinamos ese compromiso co medio que nos rodea, de amor a Galicia e respecto á nosa cultura e á nosa lingua. E que mellor maneira de facelo que lendo algúns dos seus poemas e cantando a Alborada,  todos xuntos na biblioteca do centro. 

Tempo de Rosalía: Neste enlace podes ler  algún dos fermosos poemas de Rosalía nos seus libros "Cantares  gallegos" e "Follas novas".

UD sobre Rosalía. Neste enlace podes descargar  unha Unidade Didáctica  para saber máis de Rosalía. Hache de gustar!

             

        

   A continuación podedes visitar de xeito virtual o Museo de Rosalía na casa de Matanzas,  en Padrón, restaurada no ano 1971. 

Casa-Museo Rosalía de Castro. 

Audioguía Casa Museo de Rosalía

Non esquezas tomar o caldo de gloria, pero antes anímate a ler o poema Miña casiña, meu lar".

Receita de Picadillo

Escoita os consellos  de como facer o caldo de gloria que o restaurador Suso Dezaseis nos dá canda a cantora Uxía.

  

Aquí che deixamos outros recursos que poden resultar interesantes para conmemorar este día.

Adiós ríos, adiós fontes, por Elefantes con Amancio Prada.

Poema musicado con Versión RAP para os máis novos.

 Un proxecto do alumnado do CEIP Fogar Santa Margarida co gallo do Día de Rosalía 

Poema musicado por Amacio Prada (Presentación)

 

Podes realizar unha visita ao Museo de xeito dramatizado, guiados pola propia Rosalía e o seu amigo Brocos. Esta visita está interpretada polo grupo teatral "Os Quinquilláns"  coa colaboración da Casa-Museo e Fundación Rosalía de Castro.

 

- Libro sobre un dos poemas de Rosalía de Castro: “Parece unha rosa”, de Espiral Maior.

                                        

- Poema musicado por Amancio Prada: "Adiós ríos, adiós fontes.  

-  Poema musicado por Uxía: "Maio longo":         

- Poema musicado por Guadi Galego: "Tecín soia a miña tea"  

- Poema musicado por Adriano Correia de Oliveira: "Cantar de emigración"  

 

Compartimos o libro, "Rosalía", de Helena Villar Janeiro sobre o que fixemos a curta no centro para saber máis desta grande escritora e achegar toda a información  ao noso alumnado. E sen esquecer recitar algúns dos seus fermosos poemas.

Unidade Didáctica para Educación Infantil

Unidade didáctica para o Primeiro Ciclo

Unidade Didáctica para o Segundo Ciclo

Unidade Didáctica para o Terceiro Ciclo

E se  desexas comprobar o que sabes sobre Rosalía, atrévete con este Genially, proposto pola Casa Museo de Rosalía. 

"Genially": Acerta con Rosalía

💚💚💚💚💚💚💚💚💚💚💚💚💚💚💚💚

O Entroido no CEIP Xoaquín Loriga

"O cocido de Lalín"

Estamos na antesala da celebración do Entroido, unha festa tradicional  que está moi arraigada na nosa comunidade. No colexio,  a celebración do Entroido 2024  dedicarémola ao Entroido de Lalín e máis  concretamente a "LVI Feira do cocido de Lalín". 

Este é o cartel deseñado polo alumnado de 5º curso onde se recollen as actividades que se van desenvolver ao longo desta semana.

No colexio todos os cursos estamos a traballar na procura de información relacionada con esta festa, declarada de Interese Turístico Internacional e na que a gastronomía xoga un papel moi importante.

Dende o luns 5 ao venres 9 de febreiro, algarabía e  animación no colexio non van faltar,  como non podía ser doutra maneira. E para rematar, o venres, a festa grande con animación dos Cacharelos de Lalín e baile de disfraces.  

Neste "Genially" podes ver un pequeno resumo do que vai ser a semana do Entroido no CEIP Xoaquín Loriga. Tamén as colaboracións de todo o alumnado do centro que participou cos seus interesantes traballos e vídeos, aportando moita información sobre a Feira do cocido de Lalín.👇

Comezamos a semana coas Mandas do Entroido, relacionadas co proxecto anual de centro "A defensa das nosas especies: o noso mellor legado"· Por iso non esquezas aplicar a regra dos tres R. Non é necesario mercar desfraces novos, podes reutilizar os que teñas doutros anos, reciclar  poñéndolle moita imaxinación e darlle un toque divertido, relacionado cos animaliños do teu proxecto de aula.

Aquí che deixamos as mandas do entroido para  a semana do 5 ao 9 de febreiro,  como vén sendo habitual no noso carnaval, pero non esquezas comprobar  no centro, porque quen se encarga de anunciar a manda de cada día é o porquiño realizado polo alumnado de Educación Infantil e Aula Específica.

Non esquezas participar!

E Viva a Festa!!!!

Cos Cachararelos do Barrio da Cacharela. Lal´lin

   

  

A regueifa💚

Se queres saber algo máis sobre a celebración do Entroido na nosa comunidade, aquí che deixamos algo que pode resultar do teu interese.

Tamén podes practicar no xogo "Atopa a parella" sobre os protagonistas do Entroido galego.

Cantigas do entroido en galego

Vive o Entroido cos Bolechas

Unidade didáctica sobre o Entroido

O cocido no entroido

CELEBRACIÓN  DO  DÍA  DA  PAZ  E  A  NON  VIOLENCIA

O  martes,  30  de  xaneiro,  celebramos  a  conmemoración  do  Día  da  Paz. O  alumnado  realizou  un  traballo  de  investigación  relacionado  co  proxecto  de  centro.  Buscaron  información  sobre  a  relación  que  existe  entre  algúns  símbolos  da  flora  e  da  fauna (animais, plantas...) e  a  súa  relación  coa  Paz. 

A  continuación,  pódense  visualizar  algunhas  fotografías.

CELEBRACIÓN DO NADAL

 Bo día Familias!

O día 21 rematamos o trimestre coa visita do Papá Noel na que colaborou o Concello de Lalín e a visita dos Reis Magos de Oriente que quixeron acompañarnos neste día. Foi un día de panxoliñas e celebración. Podedes ver as fotos clicando na imaxe.

Boas Festas a todos e todas!!

Contacontos en Familia

 Bo dia a todos e todas,

Neste trimestre pedimos a colaboración das familias para participar nas actividades do centro e vir facer un contacontos as aulas dos seus fillos. Foi unha gran experiencia para todos!

Podedes ver as fotografías pinchando na imaxe