Acto de graduación 6º EI e EP

O martes 21 levouse a cabo o acto de graduación do alumnado de 6º de Ed. Infantil e 6º de Ed. Primaria. Foi un día moi emotivo, no que ambos grupos finalizaban unha etapa da súa escolarización. 

Para os nenos e nenas de 6º de EP, este foi o seu último ano no cole, polo que queremos desexarlles moita sorte na súa nova andaiana e recordarlles que poden virnos visitar cando queiran.

Podedes ver as fotos e vídeos dese día pinchando sobre a imaxe.

A continuación deixámosvos un vídeo dos ensaios e do baile final realizado polo alumnado de 6º de EI e EP

Sendeiro do Muíño de Cuíña 3º, 4º, 5º e 6º EP

Á última andaina deste curso foi a realizada o pasado venres 10 de xuño polo alumnado de 3, 4º, 5º e 6º de EP.

Como xa fixeran os nenos e nenas de 1º e 2º, tamén realizamos un tramo da ruta do Muíño de Cuíña, facendo un paréntese para coñecer o Muíño por dentro e o seu funcionamento.

Temos que volver agradecer aos responsables do Muíño a súa amabilidade durante a visita e a Emerxencias Lalín por axudarnos a cruzar nas estradas.

Tedes na galería da web as fotos sobre a saída. Podedes premer na imaxe para acceder a elas. 

Escape room no Pazo de Liñares

O xoves 2 de xuño o alumnado de 6º de Ed. Primaria acercouse ata o Pazo de Liñares para participar nunha actividade de Escape room. Os nenos e nenas, empregando as tablets, tiveron que ir resolvendo unha serie de pistas ata atopar "O Segredo de Lalín". 

Esta actividade estivo organizada polo Concello de Lalín dentro do programa "Saúde na Escola".

 

Saída museo Ramón Maria Aller

O pasado día 3 de xuño os alumnos de 1º e 2º de primaria realizaron unha visita ó museo lalinense Ramón María Aller no cal puideron ver unha exposición de obras de Xosé Antonio Abeledo, Laxeiro, unha das figuras singulares da pintura galega do siglo XX. Nese mesmo museo tamén puideron visitar o primeiro observatorio de Galicia que despois de unha renovación, ainda hoxe, segue en funcionamento. Logo da visita ó museo realizaron unha pequena camiñata pola vila onde puideron ver a escultura a D. Ramón María Aller Ulloa, o monumento ó porco como símbolo do cocido de Lalín ou a figura do Peregrino. A última parada antes dun pequeno descanso foi no monumento a D. Xoaquín Loriga.