PREMIO METEOESCOLAS EXCELENTES 2024/25.

  Hoxe foi unha xornada emocionante para o grupo de representantes do CEIP Xoaquín Loriga de Prado que nos diriximos á Cidade da Cultura en Santiago de Compostela para participar no Evento de Recoñecemento de  MeteoEscolas e Escolas Verdes Excelente organizado pola Consellería de Medioambiente e Cambio Climático.

Neste acto a nosa rapazada gozou dunha xornada chea de información meteorolóxica, con xogos didácticos e unha chea de agasallos; amais participaron do lanzamento do globo sonda. Escoitaron a información aportada pola doctora en química Déborah García Bello e divertíronse co espectáculo de máxia de Pablo Estévez. Compartíron unha mañá especial con rapaces e rapazas de trinta  centros educativos da nosa comunidade e gozaron coas mostras de felicitación que lles deron os membros da Xunta e do Concello.

Enlace para ver o acto do 10 de marzo de recoñecemento ás MeteoEscolas Excelentes do curso 2024/25.

 https://youtu.be/Vd4BthI1a6M?si=VYOpn4wy0lSnSHQt

https://youtu.be/xpUlIGknLmc

SEMANA DA PRENSA.

 

Do 9 ao 13 de marzo celebramos no noso colexio a Semana da Prensa. Contamos con xornais autonómicos, nacionais e extranxeiros para ler novas e poder elaborar unha noticia en positivo relacionada co proxecto de centro "Coida do clima, coida dos teus" e vinculada á temática concreta de cada curso: 

- Eucaliptos non, carballos si. Educación Infantil.

- Industria téxtil: produción e consumo. 1º de primaria.

- Economía circular. 2º de primaria.

- A degradación dos ecosistemas. 3º de primaria.

- O clima e a saúde. 4º de primaria.

- Os incendios forestais. 5º de primaria.

- A pegada do carbono. 6º de primaria.

                               

 

II Feira Educativa de Lalín

 

O pasado día 27 de Febreiro tivemos a II Feira educativa de Lalín onde participamos todos os colexios do Concello levando os nosos traballos e amosando moitas das cousas que facemos no día a día e que son moitas.

Unha xornada de convivencia onde nenos, profesorado e familias pasamos un día diferente e onde aprendimos moito do que fan outros centro.

Agradecer ao Concello de Lalín e ao CFR de Pontevedra a súa implicación para xestionar e organizar toda esta actividade.

Celebración día de Rosalía

 

Outro ano mais xuntámonos para celebrar o aniversario de Rosalía de Castro, que celebraría o seu 189 aniversario neste día, 23 de febreiro.

Este ano centrámonos na importancia que lle daba Rosalía a música galega e o gaiteiro como personaxe ou símbolo da nosa terra, Galicia.

Seguro que vos fixástedes na versión do cartel da Feira do Cocido deste ano que fixemos no cole para anunciar as mandas entroideiras.

Pois si, este mural tamén nos representa a Rosalia como galega xunto ao seu marido Manuel Murguía e o gran Castelao, todos eles importantes personaxes galegos.

A Rosalía encantáballe o son da gaita e admiraba moito aos gaiteiros. para ela o gaiteiro era o que mellor entendía a alma de Galicia, eran como os djs daquela época, levando a alegría de festa en festa.

Dicía que o son da gaita era a voz da nosa terra. por iso, os seus versos teñen tanto ritmo que, se pechas os ollos e os lees, parece que estás escoitando unha gaita de fondo. ¡Rosalía era pura música!"

Así que xa sabedes: Cada vez que escoitedes unha gaita, acordádevos de Rosalía.

No cole fixemos unha selección de poemas de Rosalia que falaban de gaiteiros e da música galega, e que parte dos nosos compañeiros e compañeiras ilustraron e recitaron  acompañados da música da gaita galega, que tocou un gaiteiro.

• Educación Infantil recitará o poema: Imos bebendo
• 1º, 2º e 3º de Primaria : Has de cantar
•  3º, 4º e 6 de Primaria: Un repoludo gaiteiro

Podedes ver as fotos pinchando na imaxe: 

Día de Rosalía 23/02/2026

Día de rosalia de PILI ......

Celebración do entroido