Día da Muller 

Un ano máis, con motivo da conmemoración do Día Internacional da Muller, dende o colexio reivindicamos o papel da muller na nosa sociedade. No acto celebrado o propio 8 de marzo, comezamos afondando na orixe desta data e da súa importancia. A maiores, e coa intención de relacionar esta data co noso proxecto de centro "Compromiso co medio que nos rodea", traballamos a figura de Greta Thunberg, destacando a súa labor activista e defensora do medio ambiente. Por último, todas e todos compartimos co resto de alumnado e profesorado os distintos lemas reinvidicativos medioambientais deseñados para este día e que conforman o noso mural.