"No outono veñen as castañas, que nós no cole comeremos con moita ilusión".
As follas e ourizos caen en dan a benvida ao Outono e con el o tempo de asar castañas e celebrar o magosto no noso cole con distintas actividades.
Os peques do cole
buscaron información sobre esta festa tan tradicional en Galicia.
A data para
celebrar o magosto foi o 11 de novembro, pero ao longo da semana fixemos
distintas actividades relacionadas con esta festa e co proxecto de centro “Coida
do clima, coida dos teus”, en distintas sesións de Educación Física os nenos e
nenas xogaron con xogos populares e tamén co robot Pipo.
Os propios nenos e
nenas buscaron información e elaboraron por cursos e niveis as distintas
tarxetas que empregarían para completar o panel de robótica.
Os temas sobre os
que investigaron e elaboraron para facer as tarxetas foron os seguintes:
-
Educación Infantil: “ O outono”
(cores, cambios na paisaxe, contos e cancións).
-
1º Ciclo Primaria: “O magosto”
-
2º Ciclo Primaria: “ Árbores
autóctonos”
-
3º Ciclo Primaria: “Froitos do
outono”
E aquí temos o resultado destas tarxetas tan orixinais as que o noso Robot “Pipo” debe chegar segundo as preguntas, retos ou probas que nos propoñan.
Dar as grazas as familias que de forma voluntaria elaboraron cos seus peques receitas nas que empregaron castañas como un dos seus ingredientes.
Esperamos que gozarades
moito desta actividade!
Deixámosvos unha
pequena representación dixital desas receitas tan saborosas, dende logo sodes
uns auténticos cociñeiros!
Dicir que unha destas receitas foi elaborada no comedor escolar para degustar como sobremesa o día que celebramos o magosto.
Con el aprendemos e
reforzamos moito vocabulario na nosa lingua galega á vez que desfrutamos
xogando.
